الرياضة اليوم
مرتضي منصور: أنا مش محمود الخطيب
هاجم مرتضى منصور، رئيس نادي الزمالك، محمود الخطيب رئيس مجلس إدارة النادي الأهلي.
وقال “منصور” في فيديو تم بثه على صفحته الرسمية بـ”فيس بوك” :” حد جابلي شنطة فيها هدايا وهو جاي من قطر، الشنطة دي مفتحتهاش غير إمبارح، لقيت فيها ساعة ثمنها 100 الف جنيه، وموبايل ثمنه 32 الف جنيه، وقلم حاجة فخمة، وزجاجة برفان غالية جدًا، وزراير، وقماش، حاجات بحوالي 200 الف جنيه”.
وأضاف :” أنا مش محمود الخطيب، أنا مرتضى منصور، ما بأخدش هدايا بالشكل ده، هتجيبلي زجاجاة برفان بأقبلها، هتجيبلي عجوة هأخدها، هتجيبلي أكلة فسيخ هأكلها، إنما حاجات بـ200 الف جنيه، لأ دي مش هدية، دي حاجات مش مظبوطة، وأنا بأرفضها، أنا مرتضى منصور، هنا نادي القيم والمبادئ والأخلاق، مش عند إللي أخدوا الساعات”.
وكان مرتضى منصور، رئيس نادي الزمالك قد أصدر قرارًا أمس السبت بتوقف النشاط الرياضي في النادي لمدة أسبوع، وذلك بعد بيان اتحاد الكرة بتوف النشاط الرياضي في مصر لمدة أسبوعين كإجراء احترازي لمنع تفشي فيروس كورونا.
