الرياضة اليوم
شيكابالا: ”محدش جابلي حقي يبقى أجيبه بطريقتي”
قال محمود عبدالرازق شيكابالا، لاعب نادي الزمالك، إنه طالما لم يأتي أحد بحقه في السباب الذي دائمًا ما يتعرض له من جماهير الأهلي، فهو قادر على أن يحصل على حقه بطريقته.
وأضاف لاعب الزمالك في تصريحاته لقناة الزمالك:” الناس بتقول إني خدشت حياء نساء شاهدوا المباراة في مباراة السوبر، وإنهم أمك ومراتك وأختك، طب كانوا فين وأنت بتشتمني بأمي ومراتي، كان ردهم إيه، وبعدين أي لاعب يتشتم بعنصرية لا يتم إيقافه، أنا حقي فين وحق أمي الله يرحمها وحق مراتي فين”.
وتابع :” طالما انت مجبتليش حقي، يبقي أجيبه بطريقتي، أنا من ساعة ما طلعت والسباب ده على طول علي وعلى أمي وعلى مراتي”.
واستطرد :” أنا أول مرة أظهر في التليفزيون كان على قناة الأهلي، وبعدين انت بتشتم والدتي الله يرحمها، حد رحل عننا، وبتشتم مراتي طب إنت تعرفها”.
واختتم :” قبل كده روحت لجمهور الأهلي بعد ما طالبوا اني أروح أحيهم لقيتهم بيشتموني، بس محدش بيذكر الكلام ده، يفتكروا إن شيكابالا غلط، ما هو أنا بردو بأتعرض لسباب وضغط متواصل”.
