مرتضي منصور يهاجم أعضاء مجلس إدارة الأهلي

الرياضة اليوم

مرتضي منصور يهاجم أعضاء مجلس إدارة الأهلي

هاجم مرتضى منصور، رئيس مجلس إدارة نادي الزمالك، كلا من العامري فاروق نائب رئيس النادي الأهلي وخالد مرتجي أمين صندوق القلعة الحمراء، بعد رفضهما الاعتذار الذي تقدم به بشأن المكالمة المنسوبة له مع الإعلامي أحمد جمال والتي سب فيها النادي الأهلي وقياداته بألفاظ نابية.

وقال منصور في تصريحات متلفزة: “‏اعتذرت عن المكالمة المنسوبة لأحمد جمال.. مينفعش الاعتذار يتقابل بالرفض من الأهلي.. وأنا سحبت الاعتذار وهيلاقوا معاملة أسوأ من كده”.

وأضاف: “‏الأهلي فيه دربكة دلوقتي.. مش ده الأهلي بتاع السنة اللي فاتت واللي قبلها واللي قبلها.. الأهلي بدأ يعمل اللي كنت بعمله وكانوا بيتريقوا عليه بيمشوا مدرب وسط الموسم ويطلعوا بيانات ويشتكوا”.

وواصل: “‏مهند لاشين وعمر كمال في الزمالك، الفتونة وخطف اللاعيبة مش هيمشي معانا، في الغرف المغلقة في دولة محترمة متقبلش إن لاعيبة الزمالك يتخطفوا، بسأل فيوتشر سؤال بتجيبوا الفلوس منين؟ الأهلي والزمالك والإسماعيلي وغيرهم معروف فلوسهم منين، والفيفا بيمنع الكلام ده”.

وتابع: “‏لعبنا ماتش الأهلي من غير اللاعب الهارب طارق حامد، طارق لاعب هارب لأنه خرج من ماتش إنبي ببطاقة ثالثة مش مصاب، طارق حامد سيعاقب عقاب شديد لأن الزمالك نادي محترم، طلع من إسبانيا لألمانيا ده راجل بايع”.

واختتم:”‏بن شرقي عنده رغبة يكمل وإن شاء الله هنقعد معاه”.

اقرأ أيضا ..