الرياضة اليوم
دونجا: إمام عاشور غلط فيا وفي والدتي وفي والدي المتوفى
أزاح دونجا الستار عن فوز فريقه ببطولة السوبر الأفريقي على حساب الأهلي بركلات الترجيح في تصريحات تليفزيونية: بحمد ربنا على المكسب ونادي الزمالك كبير ولاعيبة الزمالك كبيرة ومتسمحش لحد يقلل منها ومهما حدث إحنا لعيبة كبيرة.
وأضاف دونجا: بقول لأيي حد قلل مننا في الفترة الماضية إحنا مش هنسمع صوتك خالص النهاردة، ولو حصل تعثر رجالة الزمالك كبيرة وهنفرح انهاردة ونفرح لاعيبتنا.
وعن مشادته مع إمام عاشور خلال لقاء السوبر الأفريقي أمام الأهلي: إحنا ناس محترمة وأبويا رباني على الأدب وإمام عاشور غلط فيا وفي والدتي وفي والدي المتوفى، وأنا مردتش عليه وردي كان في الملعب.
واختتم نبيل عماد دونجا تصريحاته قائلا: مش طبيعي نادي مدعم من كل شيء وإحنا هنا بنعاني من كل حاجة وبنوعد الجماهير بمزيد من البطولات في الفترة المقبلة.
