الرياضة اليوم
حلمي طولان: “مش عايز أغلط في حد خسرنا أمام الأهلي بفضيحة تحكيمية”
تحدث حلمي طولان، المدير الفني لنادي إنبي، عقب خسارة فريقه أمام الأهلي بنتيجة 1-2، ضمن المباريات المؤجلة من الأسبوع الخامس عشر بالدوري المصري الممتاز.
وقال حلمي طولان في تصريحات تليفزيونية ببرنامج البريمو على قناة “تن”: “كسبانين لحد الدقيقة 95 وفي طرد وأوفسايد من التحكيم فمش هقول أكتر من كدا”.
وأضاف: “مش عايز اغلط في حد احنا خسرنا بفعل فاعل والهدف التاني أوفسايد واضح، اللي حصل معانا النهاردة دا لصالح مين”.
وأكمل: ” حسام حسن في موقف أوفسايد واضح جدا، وخسرنا بفعل فاعل، الحكم طرد كابتن الفرقة، كل دي حاجات ساعدت الأهلي أنه يفوز علينا”.
وزاد: ” الحكم بيلجأ للفار على أي حاجة عايز يحسب للأهلي أي كورة وخلاص، كل حاجة محتاجة تقييم في المنظومة”.
وأختتم قائلاً: ” خسرنا في دقيقتين بفعل فاعل، منهم هدف أوفسايد، أنا بشكر لاعيبتي على أدائهم أنهم كسبانين بطل أفريقيا، لحد ما خسرنا بفضيحة تحكيمية”.
