الرياضة اليوم
رسالة من زيزو لجماهير الزمالك بعد الخروج من كأس مصر
علق أحمد سيد زيزو، نجم نادي الزمالك، على الهجوم الذي تعرض له بعد أن أهدر ركلة ترجيحية، أمس الإثنين، خلال مباراة فريقه أمام بيراميدز بالدور نصف النهائي من بطولة كأس مصر.
وكتب زيزو عبر حسابه الشخصي على شبكة التواصل الاجتماعي «إنستجرام»:” أولا الحمد لله وقدر الله ما شاء فعل، زي ما بتبقي مبسوط بالدعم والحب والمسانده لازم كمان تتقبل الوجه الأخر السيء وهي دي ضريبة الحياة والمسؤولية ، تقدر تخليك ف يوم أحسن واحد فالدنيا وتقدر تخلي الناس تنسي كل حاجه انت ممكن تكون عملتها، عشان كده واجب عليا فالمواقف والظروف دي أني اعتذر”.
وأضاف:” عمري ما عرفت أهرب ولا استخبي من أي حاجه، ولا عمري هعمل كده، تقبل أو ترفض دا من حقك ولكن كان واجب عليا تقديم الاعتذار زي ما دايما بقدم الشكر على الحب”.
وأتم:” قادر اتحمل المسؤولية كامله وقادر كمان أعديها، لكن خليكوا في ضهر ناديكم ولاعبيكم لأن في المواقف الصعبة بتبان فعلا معادن الرجال، شكرا”.
وودع الزمالك منافسات كأس مصر بعد الخسارة أمام بيراميدز بركلات الترجيح 4/2، بعد أن انتهى الوقت الأصلي والإضافي بالتعادل الإيجابي بهدف لكل منها.
وكان زيزو قد أهدر ركلة الترجيح الأولى للأبيض بعد أن سددها على طريقة «بانينكا» والمنسوبة إلى السلوفاكي أنتونين بانينكا، ونجح أحمد الشناوي حارس بيراميدز في التصدي لها.
