الرياضة اليوم
ناصر ماهر يوجه رسالة لجماهير الزمالك: «هفضل أحب الزمالك حتى وأنا ماشي»
في رسالة وداع مؤثرة، وجه اللاعب ناصر ماهر الشكر لجماهير الزمالك وإدارة النادي على الوقوف بجانبه والعطاء اللامحدود منذُ انضمامه للكيان الأبيض، وذلك عقب انتقاله إلى نادي بيراميدز رسمياً.
وكتب ماهر في منشور عبر حسابه على موقع «إنستجرام»: «مش عارف أبدأ منين، لأن في حاجات مش سهلة تتقال، خصوصًا لما تكون بتتكلم لجمهور عظيم زي جماهير الزمالك داخل القارة وخارجها. اسمحولي أعبر عن حبي واحترامي ليكم، والله مش مجرد كلام».
وتابع: «من أول يوم دخلت فيه النادي وأنا حاسس إن المكان ده فيه حاجة تتحب. يمكن عشان ده كيان كبير ، أو عشان لاعبين كبار وشخصيات محترمة بتتحمل أكثر من أي حد أو عشان الجمهور المختلف بأجواءه ودعمه ومتعته … بس في الآخر الكوره ممكن تخليك تسيب مكان انت بتحبه وده جزء من اللعبه ، أنا بحبكم جدا والله».
وأضاف: «النهارده آخر يوم ليا في نادي الزمالك النادي اللي تشرفت إني البس التيشيرت التاريخي بتاعه، ودافعت عنه بكل إخلاص وحب إنتوا خلتوني نجم بجد، ودايما بقول إن ربنا أكرمني بجمهور الزمالك يمكن الرحلة خلصت دلوقتي بسبب ظروف النادي الصعبة، وأتمنى اكون جزء ولو بسيط في حل الازمة الماليا، واقدر أساعد النادي الان الزمالك كبير ويستحق إن الواحد يضحي عشانه. وبالنسبة لي الرحلة لسه فيها فصل تاني، إمتى ؟ الله أعلم».
وأشار: «بشكر كل زملائي اللاعبين الرجالة بجد في كل المواقف، وبشكر ، إدارة النادي الزمالك برئاسة الكابتن حسين لبيب، وبشكر جميع المدربين اللي تدربت معاهم».
واختتم: «شكراً لك عبد الناصر محمد شكراً لـ احمد سليمان اللي خلاني اكون متواجد داخل نادي الزمالك وكمان بشكر الأوفياء.. جمهور الزمالك العظيم الداعم الأول للنادي آخر حاجة هقولها: أنا دخلت النادي وقلت “أنا بحب الزمالك، ودلوقتي وأنا ماشي بقول: 1 هفضل أحب الزمالك».
وأعلن نادي بيراميدز عن التعاقد مع لاعب الوسط المهاجم ناصر ماهر قادما من نادي الزمالك، لدعم خط الوسط خلال السنوات المقبلة وذلك في إطار خطة نادي بيراميدز لدعم فريق الكرة بأفضل اللاعبين في مختلف المراكز في ظل الارتباطات العديدة محليا وقاريا.
ويعد ناصر ماهر واحدا من أبرز اللاعبين في الكرة المصرية خلال الفترة الماضية، وهو من مواليد 8 فبراير من عام 1997.
وبدأ ناصر ماهر مشواره في صفوف الناشئين بالنادي الأهلي قبل أن يتنقل بين أندية بتروجت وسموحة ومودرن سبورت والزمالك قبل أن ينتقل إلى صفوف نادي بيراميدز.
والتحق ناصر ماهر ببعثة نادي بيراميدز في المغرب استعدادا لمواجهة نهضة بركان في دوري الأبطال بعد قيده محليا وقاريا.
