مرتضى عن ضم عناصر أهلاوية: هو أنا جايبهم من تل أبيب؟!
الرياضة اليوم
رد مرتضى منصور، رئيس نادي الزمالك، على الانتقادات التي وجهت إليه بعد ضم عناصر تنتمي للغريم التقليدي النادي الأهلي، بالجهاز الفني لفريق الكرة الأول بالنادي.
وقال مرتضى منصور: “الاحتراف مفيش حاجة اسمها أهلي ولا زمالك، هو أنا جايب الناس دي من تل أبيب؟!”.
وتابع: “عاوز أسأل سؤال هو الجوهري ده كان جاي منين؟.. مؤمن زكريا اللي قعدتوا تتخانقوا عليه وتقولوا إزاي راح الأهلي واحنا في الأساس جايبنه من الأهلي، وأحمد الشيخ اللي عاوزينه مش كان بيلعب في الأهلي، ومحمد الشامي مش كان بيلعب في الأهلي، وأيمن أشرف مش كان بيلعب في الأهلي وكنتم عاوزينه؟!”.
وأضاف: “بلاش النغمة دي معايا، أحنا تعاقدنا مع مدرب محترف ممتاز بالإجماع، وقصة أولاد النادي، مع احترامي ليهم لما بنضمهم أول عرض بيجيلهم برة النادي بيجروا وكلهم كده”.
